火燒甘蔗──無箬

    1945年林—先佮黃—先兩个人，佇日本東京都立工專機械科二年級讀冊。佇美國空軍激烈空襲中干焦讀上學期爾爾、二次大戰就煞囉，戰後一軀(su)破皺皺(jiâu/liâu)的學生裝穿插，袂輸難民，做伙坐船唯(uì)日本東京轉來臺灣基隆港，盤大火車轉來故鄉臺南。沿路行沿路想，攏無戰勝國的歡喜，卻有家破山河變的憂愁。就緊揣頭路做初中先生，「二二八」後攏夆掠去關，無耳通予人搝(khiú)了後，才萬幸離開烏牢，頭路煞無去矣；尾後想無路、變(pìnn)無步，就飼雞賣雞卵，算是上好的出路。