逐冬兮三月，攏嘛你咧[tshuā-thâu]頭
抛抛走據在咱
歸群兮猴囡仔[gin-á ]遠足培[poē ]墓去
骨力咧拼掃墓埕，阮着舞甲[kah]清氣湛湛[tam-tam]
獻花、供品、上香了後，拄[tú ]咧唱囡仔歌
舉頭看着喙笑目笑兮阿爸大伐行來
共[kâ ]咱講，阿母攏知影逐家[ta̍k-ke]閣卡大漢
小雅園好佚佗(tshit7-to2)
毋(m5)是阮頇慢(han-ban7)，着怨嘆猶閣傷(siun7)細漢
阮佇小雅園干礁(kan-na7會曉綴(toe3)前閣綴後
看大漢囡仔咧變猴弄(bni3-goa-lang5)
若欲(beh4)會曉灌塗伯仔、黏蟬仔、掠金龜、拈田蛉(leam-tshan2-lni7)
着愛緊大漢，嘛着伊教二步七仔
M5才(tshiah4) 會曉拍矸轆(gan7-lok2)、掠蟋蟀仔佮(kap4) 炕s窯(khong3-yo2)仔
猶細漢兮時陣
歡歡喜喜去挖涂蚓(too2-wun3)仔
無偌久阮着緊去攢便(tsuan2-bian5)幾偌尾兮魚餌
等歸晡釣無半尾
M5過，籠仔底總有幾偌尾兮鯽仔魚
榦頭(oat8-thau5)看着你笑微微
阮誠(tshiaN5)欣羨司父兮大本事
大漢囡仔兮時陣
按怎(an-noa2)撿那菝仔叢上媠(sui2)兮枝椏骨
閣來欲按怎製做鳥仔弓
拄好大細粒兮石角頭仔欲叨位(to2-ui7)找？
定時攢便則會使(e5-sai2)學拍鳥仔兮工夫
歡喜做甘願受
因為阮有誠(gau5)兮司父
閣卡大漢兮時陣
阮會使學拍空氣銃(tsheng3)
毋過鳥仔拍青驚飛飛去，煞互(ho‧7)阮誠漏氣
吮(suh4)氣！禁氣！相(siong5)雀鳥仔卡懸(koan5)一絲仔共考(ko2)去
足水氣(sui3-kui3)兮，見拍見着
你滿面春風
阮閣一擺(pai2)佩服誠有才調兮司父
不止兮數念，
囡仔時陣兮雜雜滴滴講袂煞(be7-suah4)
大兄兮形影，大兄兮教示，永遠囥佇(khǹg-tī)阮兮心肝底
無疑悟，阮煞着徛(khiā)佇咱細漢鬥陣愛爽(sng2)兮所在
佇「毛柿」兮樹仔影跤，足毋甘兮送你起身
嚨喉滇(lná-áo-dnî)煞無法度閣再講啥物？
望你寬寬(knuā-knuā)仔行，寬寬仔行
三弟 吳南圖 數念我的長兄吳南星
(二00六年五月二十日海翁台語文學 第64期)
Paradisic - 小雅園 2.0 